Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Докшыцкі раённы выканаўчы камітэт
Галоўная / Навіны / Навіны рэспублікі
Галоўная / Навіны / Навіны рэспублікі
2 чэрвеня 2023

Лукашэнка назваў ключавыя пагрозы бяспецы для краін СНД


Адной з ключавых пагроз на сённяшні дзень з'яўляецца інфармацыйна-псіхалагічнае ўздзеянне. Аб гэтым Прэзідэнт Беларусі Аляксандр Лукашэнка заявіў на сустрэчы з удзельнікамі 52-га пасяджэння Савета кіраўнікоў органаў бяспекі і спецыяльных службаў дзяржаў - удзельніц СНД, перадае карэспандэнт БЕЛТА.

"Адной з ключавых пагроз на сённяшні дзень з'яўляецца інфармацыйна-псіхалагічнае ўздзеянне, распаўсюджванне заведама непраўдзівай, фэйкавай інфармацыі. Мэта такіх дзеянняў - падрыў аўтарытэту нашых дзяржаў на міжнароднай арэне. І не толькі гэта. Пад фэйкі часам падводзяцца і небяспечныя, агрэсіўныя дзеянні. Вазьміце атакі дронаў на Расійскую Федэрацыю. Што, гэта ў ваенным становішчы нешта значыць? Практычна нічога. А вось пад фэйкі гэта падставіць - нібыта і праходзіць, - звярнуў увагу Аляксандр Лукашэнка. - І ў Расіі, і ў нас, яшчэ недзе пачынаюць абмяркоўваць: ах-ах-ах. Таму інфармацыйна-псіхалагічная вайна - гэта аснова, а пад яе падводзяць усё: і эканоміку, і навукова-тэхнічнае супрацоўніцтва, і інтэрнэт, і нават узброеныя правакацыі".

 

Кіраўнік дзяржавы падкрэсліў, што фактычная інфармацыйная манаполія Захаду, у прыватнасці кантроль над інтэрнэтам, асноўнымі сацыяльнымі сеткамі і міжнароднымі СМІ, гэтаму толькі спрыяе.


"Характэрна, што гэту манаполію, а таксама сваё маніякальнае імкненне не дапусціць стварэння шматпалярнага свету яны прыкрываюць лозунгам барацьбы за дэмакратыю. Нічога за гэтай "дэмакратыяй" не стаіць. Ніякай там дэмакратыі няма. Дзякуй богу, мы ўжо ў гэтым пераканаліся. Мы бачылі, як дзейнічаюць у Амерыцы і што яны спрабуюць нам падсунуць. Пад гэтым лозунгам заходнія эліты зробяць усё, каб сарваць любыя нашы інтэграцыйныя працэсы і прымусіць нашы дзяржавы да адмовы ад партнёрскіх адносін, а таксама штучна стварыць кропкі напружанасці на прасторы Садружнасці Незалежных Дзяржаў і вакол яе", - адзначыў Прэзідэнт.

 

Самы красамоўны прыклад гэтага, заявіў кіраўнік дзяржавы, - цяперашняе становішча Украіны, якую сёння выкарыстоўваюць для размену ў геапалітычных гульнях.

 

"Разведінфармацыя, якая паступае ў тым ліку па каналах нашых партнёрскіх сувязей спецслужбаў, сведчыць, што пералічаныя пагрозы ў агляднай будучыні будуць толькі нарастаць, - канстатаваў беларускі лідар. - Калі нехта з нас думае, што ўдасца адседзецца, - дарэмна. Красамоўны прыклад таго - нядаўнія падзеі ў Казахстане. Там і ўнутраны элемент, як заўсёды. Проста ж на голым месцы не бывае. Заўсёды бывае нейкі ўнутраны элемент. Ёсць сілы, зацікаўленыя ў дэстабілізацыі, вяртанні да ўлады, яшчэ нечага. Але потым вакол гэтага ўнутранага элемента хутка іншаземныя спецслужбы ствараюць кучу гэтых элементаў, якія садзейнічаюць дэстабілізацыі абстаноўкі ў нашых рэспубліках. Але прыклад Казахстана і ў тым, што мы тады ўсе з'ядналіся. І, нібыта, нічога не зрабілі, але толькі ўбачылі нашу рашучасць - адступілі. Таму нам трэба быць адзін да аднаго бліжэй".


Як адзначыў у час сустрэчы дырэктар ФСБ Расіі Аляксандр Бортнікаў, Захад хоча дэстабілізаваць сітуацыю ў СНД шляхам рэзкага павышэння канфліктнага патэнцыялу на ўсёй прасторы Садружнасці і каля яе рубяжоў.

 

"Злучаныя Штаты Амерыкі і Вялікабрытанія актыўна працуюць на раз'яднанне краін Садружнасці. Сіламі разведсупольнасці і дыппрадстаўніцтваў вядуць работу з палітычнымі і эканамічнымі элітамі дзяржаў СНД. Гэта сённяшняя сітуацыя, яна рэальна складваецца. Мы гэта ўсё бачым. Пад пагрозай другасных санкцый або абяцаннем прэферэнцый імкнуцца забіць клін паміж нашымі краінамі, навязваюць выгадныя пазарэгіянальным ігракам фарматы супрацоўніцтва ў сферы абароны і бяспекі", - расказаў кіраўнік расійскай спецслужбы.

 

У якасці пацвярджэння ён прывёў усё больш частыя візіты кіраўніцтва сілавых ведамстваў блока НАТА ў краіны СНД. "Амерыканцы і англічане вельмі сур'ёзна "акучваюць" і палітычнае кіраўніцтва (краін Садружнасці. - Заўвага БЕЛТА), спрабуючы паўплываць на абстаноўку ў нашых краінах", - растлумачыў Аляксандр Бортнікаў.

 

Паводле яго слоў, амерыканская і брытанская разведкі пры падтрымцы масмедыя і падкантрольных некамерцыйных арганізацый разгарнулі маштабную дзейнасць па падрыхтоўцы ўмоў гвалтоўнай змены ўлады ў краінах СНД. "Мы гэта бачым і прымаем меры, каб нейтралізаваць гэтыя пагрозы", - заявіў дырэктар ФСБ.