Абноўленую раённую Дошку гонару адкрылі ў Докшыцах

Напярэдадні Свята працы, у Докшыцах прайшло ўрачыстае адкрыццё Дошкі гонару Докшыцкага раёна па выніках работы за 2023 год.

За дасягнутыя паказчыкі ў сацыяльна-эканамічным развіцці на раённую Дошку гонару занесены 4 працоўныя калектывы. А таксама імёны лепшых работнікаў у розных сферах дзейнасці па 32 намінацыях. Па выніках 2023 года гэта калектывы ААТ "Таргуны", філіяла "Докшыцкае ДРБУ №180", Докшыцкага ўчастку паштовай сувязі "Белпошта", Крулеўшчынскай сярэдняй школы імя І.Ф. Ціткова.

У мерапрыемстве прынялі ўдзел прадстаўнікі выканаўчай улады, дэпутацкага корпуса, кіраўнікі і прадстаўнікі працоўных калектываў, арганізацый, грамадскіх аб'яднанняў, моладзь. Удзельнікаў урачыстага мерапрыемства прывітаў старшыня райвыканкама Сяргей Абірала.