У Віцебску напярэдадні прафесійнага свята ўшаноўвалі найлепшых прадстаўнікоў Віцебскай бройлернай птушкафабрыкі

27 работнікаў занесены на Дошку гонару прадпрыемства, 9 чалавек, якія адпрацавалі тут 25 гадоў, атрымалі званне "Ганаровы ветэран". Усяго ўзнагароджаны граматамі і адзначаны падзякамі больш як 120 працаўнікоў калектыву.   

Старшыня аблвыканкама Аляксандр Субоцін уручыў Ганаровыя граматы генеральнаму дырэктару Ганне Норкус, намесніку начальніка бройлернага цэха Але Шпакавай, начальніку МТФ "Пухавічы" агракомплексу імя М. Сільніцкага Святлане Давыдзенка. Цяпло і сардэчна павіншаваў узнагароджаных, а таксама ўсіх працаўнікоў калектыву.