20.07.2020

Больш за 150 прасаў розных гадоў прадставiлi на выстаўцы ў Віцебску

У Віцебску ў Музеі гісторыі прыватнага калекцыяніравання 8 ліпеня адкрылася выстава "Музей праса", паведамілі БЕЛТА ва ўстанове.

Гасцям пакажуць больш за 150 эксклюзіўных прасаў. Гэта суцэльналітыя, прасы на вуглях, на спірце, на пары і газе, а таксама электрычныя. "Выстаўка дапаможа не толькі пашырыць кругагляд, але і паглядзець на такі бытавы прадмет, як прас, з іншага боку", - адзначылі ў музеі.

Выстаўка будзе працаваць па 1 лістапада.

"Музей праса" - сумесны выставачны праект УП "Мінгардаведка" і Музея гісторыі прыватнага калекцыяніравання. Калекцыя Мінскага музея ўпершыню экспануецца ў абласным цэнтры.