01.09.2026

«Добры дзень, школьная планета!». Школьнікі Віцебска яскрава сустрэлі новы навучальны год у Летнім амфітэатры

1 верасня ў 10:00 і 12:30 у Летнім амфітэатры адбыўся самы традыцыйны, самы вясёлы, самы жывы праект, прысвечаны першаму (і зусім не сумнаму!) школьнаму дню – «ДОБРЫ ДЗЕНЬ, ШКОЛЬНАЯ ПЛАНЕТА!».

Любімыя хіты, інтэрактыўныя гульні, танцы і іншыя забавы! І ўсё гэта ад найлепшых творчых калектываў Цэнтра культуры «Віцебск» і горада: студыі эстраднай песні «ФОРУМ», заслужанага аматарскага калектыву Рэспублікі Беларусь узорнага харэаграфічнага ансамбля «ЗОРКА», узорнай студыі сцэнічнага майстэрства «АРТ-ПРАЕКТ», народнага ТЭАТРА ГУЛЬНІ, народнага тэатра песні і музыкі «ПРАСТОРЫ», узорнага ансамбля танца «ЯГОЗА», моладзевага тэатра эстрады «ШКОЛА ЗОРАК» і іншых.

Хлопчыкі і дзяўчынкі (а таксама іх настаўнікі) атрымалі сапраўдны зарад бадзёрасці на ўвесь навучальны год!

Пажадаем ім поспехаў!

"Віцебскія весці"