18.04.2026

Наводзім парадак разам: як у Віцебскай вобласці прайшоў рэспубліканскі суботнік

Сёння Віцебшчына далучылася да рэспубліканскага суботніка.

Плануецца азеляненне, добраўпарадкаванне і прывядзенне ў парадак: аб'ектаў і тэрыторый населеных пунктаў, паркаў, лясоў, спартыўных пляцовак, знакавых аб'ектаў, гісторыка-культурных каштоўнасцей, мемарыяльных комплексаў, месцаў баявой і воінскай славы, пахаванняў воінаў і партызан часоў Вялікай Айчыннай вайны. Дзесяткі лакацый па ўсім рэгіёне.

ВІЦЕБСК

Навялі парадак на пляжы ў Сакольніках. Вясновае абуджэнне прыроды запатрабавала дапамогі чалавечых рук. Сёння на пляжы маляўнічай вёскі Сакольнікі высадзіўся працоўны дэсант Першамайскага раёна Віцебска. Супрацоўнікі дзяржаўных арганізацый прынялі актыўны ўдзел у рэспубліканскім суботніку, каб прывесці ў парадак упадабанае месца адпачынку жыхароў горада і дачнікаў.

З раніцы на беразе кіпела праца: удзельнікі ачышчалі пясок ад леташняй травы і шкла, збіралі буйное бытавое смецце, якое засталося пасля зімовага сезона.

«Рэспубліканскі суботнік - гэта добрая традыцыя, якая аб'ядноўвае. Пляж у Сакольніках - кропка прыцягнення для ўсіх навакольных вёсак. Вельмі прыемна бачыць, што людзі прыйшлі цэлымі калектывамі, з сем'ямі, і працуюць са шчырым жаданнем зрабіць наш агульны куток прыроды чысцейшым», — адзначылі арганізатары мерапрыемства.

Чысціня, салідарнасць і клопат аб заўтрашнім дні

18 красавіка, у дзень рэспубліканскага суботніка, санаторый "Лётцы" аб'яднаў. профсоюзы Віцебшчыны. Сябры галіновых прафсаюзаў разам з кіраўніцтвам Віцебскага абласнога аб'яднання прафсаюзаў выйшлі на ўборку тэрыторыі адной з найбуйнейшых здраўніц краіны. Працоўны дэсант узначаліла старшыня аб'яднання, дэпутат абласнога Савета дэпутатаў Алена Няфёдава.

Надвор'е ў дзень суботніка выдалася сонечным, і прафсаюзныя актывісты з энтузіязмам прыняліся за працу. З граблямі і венікамі яны наводзілі парадак на тэрыторыі, дзе зусім хутка пачнуць адпачываць людзі з усёй Беларусі і з-за мяжы. Для актывістаў важна, каб знаходжанне адпачывальнікаў у санаторыі было камфортным у любую пару года. У гэтым годзе «Лётцы» рыхтуюцца адзначыць 90-годдзе з дня адкрыцця. Для многіх беларусаў і гасцей краіны прафсаюзная здраўніца стала сімвалам якаснага адпачынку і аднаўлення сіл.

Плошча прафсаюзнага санаторыя складае некалькі дзясяткаў гектараў. Падтрымліваць такую тэрыторыю ў парадку няпроста, таму дапамогі прафсаюзнага актыву тут заўжды чакаюць. Удзельнікі суботніка прыводзілі ў парадак прыбярэжную зону, прыбралі сухую траву, лістоту і галінкі, падрыхтавалі пляж да сезона. Вынік калектыўнай працы стаў бачны няўзброеным вокам. Берагавая лінія літаральна змянілася, вярнуўшы сабе дагледжаны выгляд.

Алена Няфёдава, якая ўзначальвала суботнік, адзначыла:

— Вынік суботніка зводзіцца не толькі да чысціні навокал. Гэта яшчэ і магчымасць адчуць плячо калегі, лепш пазнаць тых, з кім працуеш. А ўдзел у агульнай справе - гэта заўсёды пра актыўную жыццёвую пазіцыю, прафсаюзную салідарнасць і клопат аб заўтрашнім дні нашай любімай краіны.

Пакуль адны наводзілі парадак у санаторыі, супрацоўнікі апарата абласнога аб'яднання прафсаюзаў працавалі ў сябе. Яны пафарбавалі плот, згрэблі леташнюю лістоту ва ўнутраным двары і правялі генеральную ўборку ў будынку.

Партыйны актив ВДУ імя П.М. Машэрава працуе разам з работниками Цэнтральнай выбарчай камісіі Рэспублікі Беларусь і памежнікамі ў Верхнядзвінскім раёне.

На памежнай заставе «Савейкі» закладзена алея памяці – высаджаны дрэвы, якія сталі сімвалам пераемнасці пакаленняў і клопату аб будучыні.

Акрамя таго, маштабныя работы разгарнуліся на Кургане Дружбы (мемарыял, узведзены ў памяць аб сумеснай барацьбе партызан Беларусі, Расіі і Латвіі ў гады Вялікай Айчыннай вайны). Тут было праведзена добраўпарадкаванне прылеглай тэрыторыі.

ОРША

Аршаншчына зменьваецца: рэспубліканскі суботнік аб'яднаў пакаленні

Сёння Орша і раён напоўніліся энергіяй стварэння. Асноўны фронт работ разгарнуўся ў "зялёных лёгкіх" рэгіёну: гараджане дружна выйшлі на ўборку паркаў, алей і лясных масіваў. Асаблівую ўвагу надалі берагам Дняпра і Аршыцы - цяпер прыбярэжныя зоны гатовы сустракаць цёплыя дні ў чысціні.

Маштабная вясновая ўборка ахапіла ўсё:
- Памяць і павага: прыводзяцца ў парадак воінскія пахаванні, мемарыялы.
- Чысціня ў дэталях: чысцяцца тэрыторыі гаражных масіваў і ўчасткі, замацаваныя за прадпрыемствамі.
- Сельскі каларыт: аграрыі засяродзіліся на добраўпарадкаванні мехдвароў, аб'ектаў жывёлагадоўлі і актыўным азеляненні.

Па добрай традыцыі асабісты прыклад паказваюць кіраўнікі рэгіёна. Разам з землякамі на працоўных кропках працуюць старшыня Аршанскага райвыканкама Леанід Мойжык і старшыня райсавета дэпутатаў Іна Хамутоўская.

– Клопат аб роднай зямлі - гэта тое, што ў беларусаў у крыві. Чысціня і парадак даўно сталі брэндам нашай краіны, адлюстроўваючы нашу працавітасць і павагу да гісторыі, - адзначыў Леанід Мойжык. - Суботнікі па-сапраўднаму гуртуюць: сёння плячом да пляча працуюць і моладзь, і ветэраны. Усё, што нас атачае, створана нашымі рукамі, і ў гэтым адзінстве - наша сіла.

Чашнікі

Калектыў ДУА "Сярэдняя школа № 4 г. Чашнікі" дружна выйшаў на суботнік.

ДОКШЫЦЫ

Да маштабнай уборкі далучыліся жыхары Докшыцкага раёна.

На добраўпарадкаванні мемарыяльнага комплексу "Шунеўка" працуе актыў раёна на чале са старшынёй райвыканкама Сяргеем Абірала і старшынёй раённага Савета дэпутатаў Валянцінай Рандарэвіч, а таксама дэпутат Нацыянальнага сходу Рэспублікі Беларусь Анатоль Сіўко.

Жыхары раёна папрацавалі актыўна, дружна, масава, прадуктыўна!

ЛЕПЕЛЬ

У Лепельскім раёне закіпела работа па навядзенні парадку.

Асабісты склад механізаванай брыгады Заслонаўскага гарнізона прыняў актыўны ўдзел у рэспубліканскім суботніку, які праводзіцца па ўсёй краіне.

Ваеннаслужачыя выйшлі на ўборку і прывядзенне ў парадак тэрыторыі свайго ваеннага гарадка. У ходзе работ былі ачышчаны ад леташняй лістоты і смецця алеі, газоны і прылеглыя тэрыторыі. Гвардзейцы падмялі дарожкі, падразалі хмызнякі і падрыхтавалі клумбы да вясны.

Шаркаўшчына

Шаркаўшчынскі раён электрычных сетак і энергазбыт далучыліся да правядзення рэспубліканскага суботніка.

Талачын

У Талачыне ў рамках рэспубліканскага суботніка заклалі плантацыю дрэў. Работнікі Талачынскага райвыканкама, аддзела статыстыкі, рэдакцыі газеты і лясгаса папоўнілі лесфонд на новым аб'екце Талачынскага лясгаса.

Станцыя па адгрузцы вагонаў участка чыгункі для забеспячэння транспарціроўкі прадукцыі добраўпарадкавана паблізу ДЛГУ "Талачынскі лясгас". Пабудавана дарога, забяспечана энергазабеспячэнне, вядуцца работы па добраўпарадкаванні. Адкрыццё новага аб'екта запланавана на верасень гэтага года.

У рамках суботніка сёння тут высаджаны клёны, ліпы і дубы, якія пасля ўмацавання каранёвай сістэмы будуць накіраваны для азелянення населеных пунктаў краіны. Усяго высаджаны 1100 дрэваў.

ДУБРАЎНА

Суботнік актыўна праходзіць на Дубровеншчыне. З самай раніцы жыхары раёна працуюць на розных лакацыях і пляцоўках. Кіраўнік раёна Алег Макарэвіч разам з работнікамі райвыканкама і ЖКГ прымае ўдзел у навядзенні парадку ў парку адпачынку "Ліпкі".

Нягледзячы на воблачнасць, у горадзе і раёне кіпіць праца. Рэспубліканскі суботнік - выдатная нагода дапамагчы раёну змяніцца да травеньскіх свят. Структурныя падраздзяленні Дубровенскага райвыканкама адзінай камандай уключыліся ў высакародную справу навядзення парадку на роднай зямлі.

Адна з лакацый - навядзенне парадку на прылеглай да гарадскога парку "Ліпкі" тэрыторыі.

Супрацоўнікамі Дубровенскай раённай інспекцыі прыродных рэсурсаў і аховы навакольнага асяроддзя, актывістамі БРСМ УА Дзяржаўнага аграрна-тэхнічнага каледжа і работнікамі Дубровенскай УЭС Віцебскага філіяла РУП "Белтэлекам" сабрана смецце з боку ракі Задубровенка і праведзена пасадка 40 саджанцаў хвоі, елі і дуба.

Шуміліна

Чыстая Беларусь - справа нашых рук!

Асаблівая ўвага ў справе навядзення парадку - месцам воінскіх пахаванняў.

Светласельскі сельвыканкам у тандэме з пастаяннымі сябрамі-памочнікамі - работнікамі Башнеўскай школы і актывістамі ТАА "Пагранічнікі Шуміліна" - на рэспубліканскім суботніку наводзяць парадак на воінскіх пахаваннях у в. Язвіна, аг. Светласельскі, ва ўрочышчы Дзюбянка.

Да марафону чысціні далучыліся супрацоўнікі Шумілінскага гісторыка-краязнаўчага музея разам з актывістамі ветэранскай арганізацыі.

Удзельнікі працоўнага дэсанта прадоўжылі добраўпарадкоўваць памятнае месца, прысвечанае спаленым вёскам Шуміліншчыны ў гады Вялікай Айчыннай вайны ў парку 100-годдзя раёна: паклалі плітку для лампад і кветак перад камянямі-помнікамі, прыбралі смецце, прывялі ў парадак асфальтавыя дарожкі і паклапаціліся аб зялёных насаджэннях, прарыхліўшы туі.

ЛЁЗНА

На хвалі рэспубліканскага суботніка.

"Витебские вести"