15.11.2024

Пілотны праект "Музыка лечыць" у Віцебскім абласным цэнтры медыцынскай рэабілітацыі

14 лістапада ў Віцебскім абласным клінічным цэнтры медыцынскай рэабілітацыі адбылося першае мерапрыемства пілотнага праекта "Музыка лечыць". Праект распрацаваны ў рамках міжведамаснага ўзаемадзеяння Віцебскага абласнога клінічнага цэнтра медыцынскай рэабілітацыі і Віцебскай абласной філармоніі і накіраваны на павышэнне якасці аказання рэабілітацыйнай дапамогі пацыентам праз укараненне рэцэптыўнай і актыўнай музыкатэрапіі ў працэс псіхасацыяльнай рэабілітацыі. Праект прадугледжвае правядзенне комплексу мерапрыемстваў з жывым выкананнем спецыяльна падабранага рэпертуару для пацыентаў неўралагічнага профілю.

БелТА