09.03.2026

У Оршы стартаваў II Рэспубліканскі турнір МУС па хакеі

Сёння ў Оршы стартаваў Другі Рэспубліканскі турнір МУС па хакеі. Афіцыйным стартам спартыўных баталій у Лядовай арэне стала цырымонія першага сімвалічнага ўкідвання шайбы.

Падчас урачыстага адкрыцця турніру начальнік УУС Віцебскага аблвыканкама Максім Субота пажадаў усім удачы і яркіх перамог. Старшыня Аршанскага райвыканкама Ігар Мароз адзначыў, што для рэгіёну вялікі гонар прымаць турнір такога ўзроўню.
- Спорт, як і служба ў органах унутраных спраў, патрабуе мужнасці, сілы духу і волі да перамогі. Упэўнены, гэтыя спаборніцтвы стануць сапраўдным святам не толькі для ўдзельнікаў, але і для ўсіх балельшчыкаў, а таксама падораць нам яркую і сумленную гульню, - сказаў кіраўнік раёна.

Напярэдадні адкрыцця высокія госці ўсклалі кветкі да Кургана неўміручасці, ушанаваўшы памяць герояў.

Першы матч згулялі каманды УУС Віцебскага і Мінскага аблвыканкамаў. Ён завяршыўся лікам 10:0 на карысць віцябчан.

Фінальныя гульні, якія вызначаць наймацнейшых - 13 сакавіка.

"Витебские вести"