05.09.2026

Віцебская вобласць запальвае на свяце Дня беларускага пісьменства

На пляцоўцы Віцебскай вобласці ўвагу гасцей прыцягваюць выстава «Лёс жанчыны — лёс Радзімы», друкаваныя выданні газет «Віцебскія весці», «Віцьбічы», «Міёрскія навіны», «Зара», «Лепельскі край» і іншыя. Праходзяць прэзентацыя кніг і сумеснае чытанне твораў.

У горадзе майстроў працуюць пляцоўкі з розных рэгіёнаў Беларусі, у тым ліку з Аршанскага, Лёзненскага і Сенненскага раёнаў.

— На пляцоўцы Віцебскай вобласці працуе Аршанскі дом рамёстваў, удзельнічаюць народныя майстры: па лозапляценні Наталля Азарава, па кераміцы Таццяна Шынкарова, па ганчарстве, вышыўцы, ткацтве, набойцы Галіна Кутузава. Таксама ў нас у доме рамёстваў ёсць разьба па дрэве, лапікавае шыццё, дэкаратыўны роспіс, выцінанка, народны касцюм. Усё гэта прадстаўлена на кірмашы, — расказаў загадчык філіяла ГДК «Орша» Уладзімір Сакалоў.

«Віцебскія весці»