08.07.2021

Агляд-конкурс па добраўпарадкаванні дваровых тэрыторый пройдзе ў Докшыцах

З 1 па 10 жніўня праводзіцца штогадовы агляд-конкурс на лепшае добраўпарадкаванне дваровых тэрыторый шматкватэрных жылых дамоў горада Докшыцы.

Мэтамі і задачамі агляду-конкурсу з'яўляюцца актывізацыя работы па добраўпарадкаванні дваровых тэрыторый шматкватэрных жылых дамоў горада Докшыцы. Добраўпарадкаванню тэрыторый, забеспячэнню захаванасці і належнага стану элементаў добраўпарадкавання дваровых тэрыторый, у тым ліку дзіцячых гульнявых пляцовак.

У аглядзе-конкурсе прысуджаюцца не больш за тры прызавых месцы.

Пераможцы вызначаюцца па найбольшай колькасці набраных балаў.

Пры падвядзенні вынікаў агляду-конкурсу ўлічваюцца наступныя крытэрыі:

1. уладкаванне кветнікаў (іх наяўнасць, стан і афармленне);

2. планіроўка і абнаўленне газонаў;

3. наяўнасць кампазіцый;

4. дадатковая пасадка дрэў і кустоў;

5. наяўнасць і стан малых архітэктурных форм, дзіцячых пляцовак, лавак, альтанак;

6. якасная і своечасовая ўборка дваровай тэрыторыі, утрыманне яе ў належным санітарным стане;

7. удзел жыхароў дома ў добраўпарадкаванні дваровай тэрыторыі;

8. тэхнічны і эстэтычны стан дома.

Дваровым тэрыторыям шматкватэрных жылых дамоў, якія перамаглі ў аглядзе-конкурсе, вылучаецца грашовая ўзнагарода ў памеры:

за першае месца - 215 базавых велiчынь;

за другое месца - 135 базавых велiчынь;

за трэцяе месца - 85 базавых велічынь.

Каардынатарамі конкурсу з'яўляецца аддзел архітэктуры і будаўніцтва, жыллёва-камунальнай гаспадаркі Докшыцкага райвыканкама. Па ўсіх пытаннях і заяўках на ўдзел у конкурсе звяртацца па тэлефонах 2-12-32, 2-10-32 .