10.01.2025

Аляксандр Румак наведаў аддзяленне кругласутачнага знаходжання для грамадзян пажылога ўзросту ў Крулеўшчыне

У заключэнне візіту ў Докшыцкі раён упаўнаважаны па справах рэлігій і нацыянальнасцей Аляксандр Румак наведаў аддзяленне кругласутачнага знаходжання для грамадзян пажылога ўзросту ў аграгарадку Крулеўшчына ў рамках акцыі "Ад усёй душы", павіншаваў з Новым годам і Калядамі знаходзячыхся ў аддзяленні, калектыў установы, усіх прысутных на свяце і ўручыў падарунак — кухонны камбайн для харчаблока.

Да віншаванняў далучыўся старшыня райвыканкама Сяргей Абірала і таксама ўручыў падарунак.

З пранікнёнай прамовай звярнуліся да ўсіх протаіерэй Віктар Гмір, ксёндз Юрый Баравы.

Салодкія падарункі пажылым людзям ад Дзеда Мароза і Снягуркі.

І ў завяршэнне — канцэрт, падрыхтаваны наведвальнікамі аддзялення дзённага знаходжання для грамадзян пажылога ўзросту ТЦСАН і навучэнцамі Крулеўшчынскай сярэдняй школы ім. І.Ф. Ціткова.

www.dokshitsy.by