05.05.2026

Была запраўка - стала аўтамыйка. Новы аб'ект прыдарожнага сэрвісу адкрыўся ў Докшыцах

У Докшыцах адбылося ўрачыстае адкрыццё аўтамыйкі самаабслугоўвання "Аліта".

Новы аб'ект прыдарожнага сэрвісу размясціўся на вуліцы Савецкай, 92, на месцы былой аўтазаправачнай станцыі.

Такі сюрпрыз докшычанам у Свята працы зрабіў індывідуальны прадпрымальнік з Глыбокага Ігар Гражэўскі, які ў гэтым бізнесе не навічок.

Цяпер аўтаўладальнікі могуць самастойна клапаціцца аб чысціні сваіх аўто, эканомячы час і грошы.

Намеснік старшыні райвыканкама Марына Клімовіч, якая прыняла ўдзел у адкрыцці новага аб'екта, адзначыла, што гэта адзін з яскравых прыкладаў супрацоўніцтва дзяржавы і прыватнага бізнесу:

— Невыкарыстоўваемую маёмасць у выглядзе былой АЗС была бязвыплатна перададзена індывідуальнаму прадпрымальніку пад рэалізацыю інвестпраекта. Новы ўладальнік аператыўна, літаральна за паўтара года, змог стварыць аб'ект па аказанні аўтамыйных паслуг. Упэўнена, што ён будзе запатрабаваны ў жыхароў горада і раёна.

Ігар Гражэўскі :

— У бліжэйшы час мы зоймемся добраўпарадкаваннем тэрыторыі, а крыху пазней плануем адкрыць летні кафэ на 16 пасадачных месцаў. Запрашаем усіх на нашу аўтамыйку. Будзем рады кожнаму кліенту.