23.04.2026

Дэпутат Палаты прадстаўнікоў Нацыянальнага сходу Рэспублікі Беларусь Анатоль Сіўко правёў асабісты прыём грамадзян у Докшыцах

Удзел у ім узяла старшыня раённай Рады дэпутатаў Валянціна Рандарэвіч.

Да дэпутата звярнуўся докшычанін, кіраўнік аб'яднання па інтарэсах "Авіямадэлізм" РЦДіМ па пытанні развіцця авіямадэліравання ў райцэнтры.

У прыватнасці, складанасці далейшага развіцця гуртка ўзніклі ў сувязі з прыняццем у 2025 годзе Закона "Аб змяненні законаў па пытаннях крымінальнай і адміністрацыйнай адказнасці", у якім ёсць палажэнні аб адказнасці за выкарыстанне беспілотных лятальных апаратаў.

У адпаведнасці з законам, з 2 лістапада 2025 года ўведзена крымінальная і адміністрацыйная адказнасць за незаконныя дзеянні ў дачыненні да грамадзянскіх беспілотных лятальных апаратаў і авіямадэлей.

Анатоль Сіўко паабяцаў старанна вывучыць пытанне і разабрацца ва ўсіх нюансах сітуацыі.