08.12.2025

Докшыцкія майстры ў ліку пераможцаў абласнога конкурсу "Нас з'яднала зямля Беларусі"

Удзельнікі народнай студыі майстроў народных мастацкіх рамёстваў і мастакоў-аматараў "Докша" раённага Дома рамёстваў Уладзімір Шуткін, Крысціна Палячонак і Вераніка Палячонак прадставілі Докшыччыну на абласным свяце нацыянальных культур "Нас з'яднала зямля Беларусі", які адбыўся ў Бешанковічах.

Мерапрыемства, якое праводзілася ў рамках XV Рэспубліканскага фестывалю, аб'яднала творчыя калектывы, выканаўцаў і народных майстроў з дванаццаці раёнаў Віцебшчыны і абласнога цэнтра. Дарэчы, усяго на тэрыторыі нашай вобласці пражывае 98 этнічных супольнасцяў і груп, якія беражліва захоўваюць свае традыцыі.

Падчас свята адбылося ўзнагароджанне яго ўдзельнікаў. У намінацыі "Выстава дэкаратыўна-прыкладнога мастацтва" дыпломам лаўрэата III ступені адзначаны Уладзімір Шуткін.

dokshitsy.by