У Докшыцкім раёне пад кіраўніцтвам старшыні раённага Савета дэпутатаў Валянціны Рандарэвіч прайшоў дзень Докшыцкага сельсавета. Удзел у ім прыняў старшыня Докшыцкага раённага выканаўчага камітэта Сяргей Абірала.

Традыцыйна ў населеных пунктах сельсавета прайшлі прыёмы грамадзян. Так у аграгарадку Барсукі прыём правёў старшыня райвыканкама Сяргей Абірала. У вёсцы Янкі - старшыня Докшыцкага раённага Савета дэпутатаў Валянціна Рандарэвіч.

Пад час прыёмаў грамадзян, якія прайшлі ва ўсіх населеных пунктах сельсавета, разгледжаны пытанні і праблемы, агучаныя вяскоўцамі:

• грэйдзіраванне, асфальтаванне дарог, расчыстка ў зімовы час;
• бедны асартымент тавараў у аўтамагазіне; 
• абкос пустых участкаў у населеных пунктах;
• уладкаванне аўтобуснага прыпынку, змяненне аўтобуснага маршруту;
• дрэнная якасць вады і іншыя.

Жыхары сельсавета выказалі падзяку за ўвагу да клопатаў вяскоўцаў старшыні Докшыцкага сельскага Савета дэпутатаў Анатолю Сценніку.

Заслуханы кіраўнікі раённых служб аб рабоце па забеспячэнню жыццядзейнасці насельніцтва і добраўпарадкаванню населеных пунктаў.