08.10.2024

Дзень Тумілавіцкага сельсавета прайшоў на тэрыторыі раёна

У Докшыцкім раёне пад кіраўніцтвам старшыні раённага Савета дэпутатаў Валянціны Рандарэвіч прайшоў Дзень Тумілавіцкага сельсавета. Удзел у ім прыняў старшыня райвыканкама Сяргей Абірала.

На пасяджэнні разгледжаны пытанні па добраўпарадкаванні населеных пунктаў і навядзенні парадку на зямлі. Пад час правядзення Дня сельсавета выслуханы звароты вяскоўцаў. Жыхары вёсак агучылі пытанні, звязаныя з рамонтам дарог, вулічным асвятленнем, бедным асартыментам тавараў у аўтамагазінах, будаўніцтвам водаправоднай сеткі ў в. Вецера, устаноўкай указальнага знака "Чарнічка-4" на аўтадарозе Р-29.

Заслуханы кіраўнікі раённых служб аб рабоце па забеспячэнню жыццядзейнасці насельніцтва і добраўпарадкаванню населеных пунктаў.