19.02.2026

Адзіны дзень інфармавання на тэму "Абарончая моц беларускага войска і патрыятызм у сучасных умовах" праходзіць у Докшыцкім раёне

Старшыня райвыканкама Сяргей Абірала сустрэўся з калектывам філіяла "Докшыцыводаканал".

Мадэратар сустрэчы - начальнік аддзела ідэалагічнай работы і па справах моладзі райвыканкама Наталля Фурсевіч.

- У Беларусі створана кампактная, прафесійна падрыхтаваная і добра абсталяваная армія, здольная забяспечыць нацыянальную бяспеку краіны. Раптоўная праверка Узброеных Сіл таму пацверджанне.

У нашай краіны няма агрэсіўных намераў. Асноўная дактрына - стрымліванне і абарона. Ні для каго не сакрэт, што адбываецца каля нашых паўднёвых рубяжоў. Дзякуючы нашай талерантнасці і палітыцы, якая праводзіцца Прэзідэнтам, мы не ўдзельнічаем у гэтым. І цяпер наша дзяржава з'яўляецца стрымліваючым фактарам і пасярэднікам мірнага вырашэння канфлікту, - адзначыў Сяргей Уладзіміравіч.

У ходзе сустрэчы былі абмеркаваны і пытанні сацыяльна-эканамічнага развіцця раёна, аператыўнай абстаноўкі.