12.08.2025

Ёсць першы тысячнік!

Механізатар ААТ "Таргуны" Юрый Малюжанец стаў першым камбайнерам-тысячнікам у раёне на цяперашняй уборачнай.

Гэта дваццаць пятая ўборачная, на якой ударна працуе Юрый Сяргеевіч. Важна адзначыць, што за апошнія пяць гадоў ён становіцца першым тысячнікам у раёне трэці раз.

З высокім дасягненнем Юрыя павіншавалі першы намеснік старшыні райвыканкама - начальнік упраўлення па сельскай гаспадарцы і харчаванні Наталля Вараб'ёва, старшыня прафсаюза работнікаў АПК Васіль Васюковіч, кіраўнік гаспадаркі Васіль Чарэднік.

Цёплыя словы падзякі, заслужаныя віншаванні і ўзнагароды.

Работа на жніве працягваецца. Поспеху ўсім на палях!