07.03.2025

Вынікі правядзення Дзён сельсаветаў у 2024 годзе падведзены на пасяджэнні прэзідыума Докшыцкага раённага Савета дэпутатаў, якое прайшло пад кіраўніцтвам яго старшыні Валянціны Рандарэвіч

У пасяджэнні прыняў удзел старшыня Докшыцкага райвыканкама Сяргей Абірала.

Старшыні сельскіх Саветаў дэпутатаў, кіраўнікі арганізацый далі падрабязную справаздачу аб выкананні зваротаў і даручэнняў, якія паступілі падчас правядзення Дзён сельсаветаў, далажылі аб ходзе работ па добраўпарадкаванні населеных пунктаў.

Валянціна Рандарэвіч:

- Год добраўпарадкавання - гэта добрая магчымасць для кожнага жыхара, калектыву ўнесці свой уклад у агульную справу навядзення парадку на зямлі. Не варта чакаць, пакуль нехта прыйдзе і зробіць усё за нас. Мы можам самі ўдзельнічаць у суботніках, добраўпарадкоўваць свае двары, саджаць дрэвы, кветкі, сачыць за чысцінёй і парадкам. Важна праяўляць ініцыятыву. Толькі разам мы зможам стварыць камфортнае і прыгожае асяроддзе для жыцця.