Геалакацыя - аг. Крулеўшчына
Сёння прыхаджане, удзельнікі фестывалю, а таксама ганаровыя госці сабраліся каля храма Усячэння галавы Іаана Прадцечы ў Крулеўшчыне, дзе сустракалі біскупа Полацкага і Глыбоцкага Ігната.
Каравай і кветкі Уладыку паднеслі Кацярына Салаўёва і Антон Кухто.
На ўрачыстым адкрыцці фестывалю ўсіх віталі біскуп Ігнацій і намеснік старшыні райвыканкама Аксана Палачаніна.
- 15 гадоў фестываль праваслаўнай моладзі «Пакуль мы маладыя» збірае пад сваёй эгідай маладых людзей з розных куткоў нашай краіны. Розных па ўзросце, розных па інтарэсах, але іх аб'ядноўваюць вера і духоўнасць, - сказала Аксана Эдуардаўна і падзякавала Уладыку за падтрымку фестывалю.

Падзячны ліст ад райвыканкаму атрымаў пробашч царквы протаіерэй Віктар Гмір. Таксама ўзнагародамі былі адзначаны актывісты фестывальнага руху.
Сцяг фестывалю быў узняты Аксанай Палачанінай, біскупам Ігнатам і благачынным Докшыцкай царкоўнай акругі протаіерэем Леанідам Стрэхай.

Геалакацыя - аг. Порплішча
Пасля Боскай літургіі ў храме Праабражэння Гасподняга ў Порплішчы протаіерэй Віктар Гмір адслужыў малебен з акафістам прападобнай Еўфрасінні Полацкай на распеў.
- Сёння трэці дзень выдатнага маладзёжнага форуму. І ва ўсіх нас ёсць унікальная магчымасць дакрануцца да святыняў зямлі Полацкай. Гэта ўсё дзякуючы нястомным малітвам і дзейнасці матухны Еўдакіі і матуль манастыра Полацкай абіцелі, - пасля заканчэння службы сказала намеснік старшыні райвыканкама Аксана Палачаніна і перадала ігуменні Свята-Еўфрасіннеўскага манастыра ігуменні Еўдакіі Ляўшук Падзячны ліст ад раёну.
У Парплішчанскім СДК выхаванцы нядзельнай школы полацкага кляштара прадставілі святочную праграму, прысвечаную жыццю Еўфрасінні Полацкай і юбілею стварэння Крыжа прападобнай.