01.05.2026

Кіраўніцтва Докшыцкага раёна віншуе з 1 Мая

Паважаныя жыхары Докшыцкага раёна!

Прыміце самыя цёплыя і шчырыя віншаванні з 1 Мая - святам вясны і працы!

Першамай сімвалізуе для ўсіх нас мір і стварэнне, дабро і справядлівасць, увасабляе згуртаванасць і салідарнасць, павагу адзін да аднаго, вясновае абнаўленне. Галоўны герой свята - працаўнік, чалавек, які клапоціцца аб росквіце роднай зямлі і ўкладвае ў любімую справу часцінку сваёй душы.

Дзякуем усім, хто сваёй сумленнай працай уносіць дастойны ўклад у эканамічнае, сацыяльнае і культурнае развіццё Докшыцкага раёна, усім, хто раней ствараў перадумовы для яго дынамічнага і стабільнага развіцця і цяпер знаходзіцца на заслужаным адпачынку.

Упэўнены, што працавітасць жыхароў раёна, іх адказныя адносіны да даручанага ўчастка работы стануць залогам далейшага працвітання Докшыцкага краю.

У гэты святочны дзень жадаем усім працаўнікам нашага раёна моцнага здароўя, дабрабыту, аптымізму і новых працоўных поспехаў!

Районный исполнительный комитет

Районный Совет депутатов