25.07.2022

Кіраўніцтва Докшыцкага раёна адрасавала віншаванне з Днём пажарнай службы Рэспублікі Беларусь

Паважаныя супрацоўнікі і ветэраны

раённага аддзела па надзвычайных сітуацыях!

Прыміце шчырыя віншаванні з прафесійным святам – Днём пажарнай службы!

Барацьба з небяспечнай агнявой стыхіяй заўсёды лічылася справай мужных і смелых людзей. Аб вашай працы заўсёды гавораць з павагай і падзякай, бо вы выбралі для сябе нялёгкую, але высакародную справу - першымі прыходзіць на дапамогу людзям, якія трапілі ў бяду. На вашу службу ўскладзены адказныя задачы па прафілактыцы пажараў, выратаванні чалавечых жыццяў, забеспячэнні бяспечных умоў жыццядзейнасці. 

Мужнасць, доблесць, прафесійнае майстэрства спецыялістаў пажарнай службы Докшыччыны - гэта залог спакою і ўпэўненасці жыхароў нашага раёна ў бяспецы заўтрашняга дня.

Жадаем усім супрацоўнікам і ветэранам пажарнай службы моцнага здароўя, шчасця, міру, дабра і дабрабыту.

Раённы выканаўчы камітэт

Раённы Савет дэпутатаў