25.07.2024

Кіраўніцтва Докшыцкага раёна віншуе з Днём пажарнай службы

Паважаныя супрацоўнікі і ветэраны раённага аддзела па надзвычайных сітуацыях!

Прыміце шчырыя віншаванні з прафесійным святам - Днём пажарнай службы!

Сёння свята мужных і адважных людзей. На вашу службу ўскладзены адказныя задачы па прафілактыцы пажараў, выратаванні чалавечых жыццяў, забеспячэнні бяспечных умоў жыццядзейнасці.

Выдатная падрыхтоўка, аператыўнасць і зладжанасць дзеянняў дазваляюць вам з гонарам і ў будні, і ў святы несці сваю нялёгкую вахту, ахоўваць спакой і дабрабыт жыхароў раёна.

Асобыя словы ўдзячнасці мы выказваем ветэранам службы, якія заўсёды з'яўляюцца прыкладам для маладога пакалення, дзеляцца сваім шматгадовым вопытам.

Жадаем усім супрацоўнікам і ветэранам пажарнай службы моцнага здароўя, цвёрдасці духу, міру, дабра і дабрабыту!

Раённы выканаўчы камітэт

Раённы Савет дэпутатаў