16.06.2024

Кіраўніцтва раёна адрасавала віншаванне работнікам і ветэранам сістэмы аховы здароўя

Паважаныя работнікі і ветэраны сістэмы аховы здароўя раёна!

Шчыра віншуем вас з прафесійным святам - Днём медыцынскага работніка.

Сваёй штодзённай працай вы ўносіце вялікі ўклад у захаванне найвялікшых каштоўнасцяў, дараваных чалавеку - яго жыцця і здароўя. Ваша стваральная праца, самаахвярнае служэнне справе, міласэрнасць дазволілі многім людзям здабыць упэўненасць у будучыні, зноў адчуць радасць у жыццi.

Асновай паспяховай працы сістэмы аховы здароўя раёна з'яўляецца прафесійны калектыў неабыякавых, творча думаючых, умелых, чулых людзей.

Дарагія медработнікі! У гэты цудоўны дзень выказваем вам вялікую ўдзячнасць і падзяку за вашу нялёгкую, але вельмі важную працу, за вопыт, веданне, уменне прымаць рашэнні і дзейнічаць у самых складаных сітуацыях. Нізкі паклон - за бяссонныя ночы і выратаваныя жыцці!

Жадаем вам моцнага здароўя, невычэрпных сіл і энергіі, душэўнай раўнавагі і гармоніі. Няхай вас ніколі не пакідаюць аптымізм, цярпенне і дабрыня. Поспехаў, працвітання, міру і дабрабыту вам і вашым блізкім.

Раённы выканаўчы камітэт

Раённы Савет дэпутатаў