09.08.2024

Кіраўніцтва раёна адрасавала віншаванне з Днём горада

Паважаныя жыхары і госці горада Докшыцы!

Прыміце сардэчныя віншаванні са святам - Днём горада Докшыцы!

У гэты дзень кожны з нас адчувае сапраўдны гонар за тое, што жыве ў такім цудоўным горадзе, з яго зялёнымі вуліцамі і ўтульнымі паркамі, унікальнымі традыцыямі і сучаснымі дасягненнямі, з яго душэўнай цеплынёй і гасціннасцю. Вось ужо 617 гадоў мы разам дзелім радасці і смуткi, ажыццяўляем задуманае і будуем новыя планы, каб кожны з нас мог па праве ганарыцца сваім горадам.

Дзень нараджэння горада - гэта свята, якое аб'ядноўвае ўсіх гараджан незалежна ад узросту, нацыянальнасці, веравызнання і прафесіі. Усё, чым знакаміты наш родны горад, - заслуга многіх пакаленняў, якія ўнеслі неацэнны ўклад у стварэнне і развіццё горада. Бо галоўнае багацце нашага горада - яго жыхары, якія аддаюць свае сілы, талент і веды дзеля яго росквіту, якія шчыра любяць сваю малую радзіму.

Дзень горада Докшыцы знамянальны і тым, што на працягу многіх гадоў мы святкуем яго разам з Фестывалем сяброўства і мастацтва "Дзве ракі". Менавіта тут, ля вытокаў Бярэзіны і Віліі, Фестываль восьмы раз адкрывае новую старонку ў культурным жыцці нашага горада. Ад усёй душы жадаем усім удзельнікам гэтага свята натхнення і творчых адкрыццяў, а гасцям фестывалю - яркіх уражанняў, цёплых сустрэч і радасці зносін!

Дарагія землякі! Дзякуй вам за працу, любоў і адданасць нашаму гораду, клопат аб ім. Толькі разам нам пад сілу захаваць яго прыгажосць, зрабіць яшчэ больш камфортным.

У Дзень нараджэння горада шчыра жадаем усім моцнага здароўя, поспехаў, новых працоўных здзяйсненняў на агульнае дабро, адзінства і згуртаванасці ў рашэнні пастаўленых задач. Няхай у кожнай сям'і пануюць мір і любоў, а кожны новы дзень прыносіць усім толькі радасць, добры настрой і ўпэўненасць у будучыні. Шчасця, дабра і росквіту нашаму любiмаму гораду і ўсім яго жыхарам!

Раённы выканаўчы камітэт

Раённы Савет дэпутатаў