22.03.2023

Культработнікі Докшыцкага раёна падвялі вынікі працы

Вынікі работы ўстаноў культуры раёна і задачы далейшага развіцця галіны абмяркоўваліся на пашыраным пасяджэнні савета аддзела ідэалагічнай работы, культуры і па справах моладзі райвыканкама, якое адбылося ў ККЗ "Іскра".

У мерапрыемстве прынялі ўдзел старшыня раённага Савета дэпутатаў Валянціна Рандарэвіч і намеснік старшыні райвыканкама Аксана Палачаніна.

Справаздачу аб рабоце аддзела ідэалагічнай работы, культуры і па справах моладзі райвыканкама за мінулы год і асноўныя напрамкі дзейнасці на 2023-ы прадставіла начальнік аддзела Вольга Сушко.
Былі заслуханы даклады аб дзейнасці Бягомльскай ДШМ, Параф'янаўскага СДК, Сітцаўскай сельскай бібліятэкі і аматарскага аб'яднання “Акадэмія блогераў” Докшыцкага ГЦК, а таксама аб папулярызацыі працы ўстаноў культуры ў віртуальным асяроддзі.
Завяршыўся збор па традыцыі ўзнагароджваннем лепшых работнікаў культуры па выніках 2022 года.

Крыніца з фота:  https://www.dokshitsy.by/2023/03/kultrabotniki-dokshickogo-rajona-podveli-itogi-raboty/