01.10.2025

Мерапрыемства "Для тых, чыю восень не пакінула вясна" праходзіць у Докшыцкай цэнтральнай бібліятэцы

Сёння - дзень пажылых людзей.

Мерапрыемства "Для тых, чыю восень не пакінула вясна", прысвечанае Дню пажылых людзей, арганізаванае работнікамі аддзялення дзённага знаходжання для грамадзян пажылога ўзросту ТЦСАН, праходзіць у Докшыцкай цэнтральнай бібліятэцы.

Ганаровыя госці на свяце - намеснік начальніка ўпраўлення па працы, занятасці і сацыяльнай абароне райвыканкама Таццяна Модзель, дзяржаўны натарыус Докшыцкага раёна Антаніна Няхай, клірык прыхода храма Пакрова Прасвятой Багародзіцы Павел Іоська, дырэктар цэнтра банкаўскіх паслуг ААТ "Белаграпрамбанк" Алена Шугальская і начальнік аддзела разавых продажаў гэтай арганізацыі Вольга Гільніч.

Атмасфера свята вельмі цёплая. Мерапрыемства насычана віншаваннямі, сюрпрызамі, падарункамі, выдатнымі канцэртнымі нумарамі.

dokshitsy.by