05.08.2024

Механізатар ААТ "Докшыцкі райаграсэрвіс" Віктар Суднік стаў першым камбайнерам-тысячнікам у раёне на цяперашняй уборачнай

Гэта адзінаццатая гарачая пара ў годнага прадаўжальніка бацькоўскай справы, неаднаразовага пераможцы раённых і абласных спаборніцтваў, удзельніка абласных "Дажынак", уладальніка звання "Чалавек года Віцебшчыны" Віктара Судніка.

З чарговым дасягненнем Віктара непасрэдна на працоўным месцы павіншавалі старшыня райвыканкама Сяргей Абірала, начальнік упраўлення па сельскай гаспадарцы і харчаванні Наталля Вараб'ёва, старшыня прафсаюза работнікаў АПК Васіль Васюковіч, першы сакратар РК ГА "БРСМ" Яўгенія Шаўро, кіраўнік гаспадаркі Аляксандр Дзяконскі.

Дыпломы, падарункі, грашовыя прэміі, а галоўнае цёплыя словы падзякі - усё гэта малады механізатар заслужыў дзякуючы сваёй добрасумленнай працы і вернасці хлебаробскай справе.