21.02.2025

Мітынг "У славу Айчыны" ля брацкай магілы загінуўшых воінаў і партызан на плошчы імя Героя Савецкага Саюза I. С. Палявога

Удзельнікамі ўрачыстага мерапрыемства, прысвечанага Дню Абаронцаў Айчыны і Узброеных Сіл Рэспублікі Беларусь, сталі кіраўніцтва раёна, прадстаўнікі прадпрыемстваў і арганізацый, грамадскіх аб'яднанняў, моладзь, духавенства.

З прывітальным словам да ўсіх звярнуўся старшыня райвыканкама Сяргей Абірала.

Віншаванне са святам прагучала і ад ваеннага камісара раёна Віталя Леснічэнкі.

Удзельнікі мітынгу хвілінай маўчання ўшанавалі памяць загінуўшых і ўсклалі кветкі да помніка.

Музычна-тэатралізаваную праграму прадставілі ўдзельнікі Докшыцкага народнага тэатра, вучні тэатральнага аддзялення Докшыцкай ДШМ ім. М. Сакалоўскага, салісты народнай эстраднай студыі "Калейдаскоп" Докшыцкага ГЦК, а таксама ваенна-патрыятычны клуб "Рэзерв" СШ № 1 г. Докшыцы.