08.05.2025

Парад Перамогі сярод дашкольнікаў і навучэнцаў пачатковых класаў школ прайшоў у горадзе Докшыцы

Напярэдадні 80-й гадавіны Вялікай Перамогі ў Докшыцах па цэнтральнай вуліцы горада прайшоў парад Перамогі сярод дашкольнікаў і навучэнцаў пачатковых класаў устаноў адукацыі горада.

Яго дэвізам сталі словы: "Маленькі парад - вялікай Перамозе".

Было адначасова ўрачыста і вельмі кранальна назіраць за малымі, якія стараліся трымаць спінкі роўна і крочыць цвёрда і ўпэўнена, так, каб дарослыя, якія прыйшлі падтрымаць іх, абавязкова адчулі гонар за кожнага ўдзельніка парада.

Маленькія грамадзяне вялікай незалежнай краіны з юнага ўзросту ведаюць аб тым, што Дзень Перамогі - гэта вялікае свята!

dokshitsy.by