22.09.2026

Працягласць маршруту - каля 90 кіламетраў: 19-гадовы ўраджэнец Докшыцкага раёна Марат Сцепаненка пакарыў Эльбрус

Актывіст Беларускага рэспубліканскага саюза моладзі, 19-гадовы ўраджэнец Докшыцкага раёна Марат Сцяпаненка пакарыў заходнюю вяршыню Эльбруса — найвышэйшую кропку Расіі і Еўропы (5642 метры). Пра гэта паведамляецца ў тэлеграм-канале БРСМ.
Узыходжанне праходзіла з паўднёвага боку ў альпійскім стылі па маршруце 2А катэгорыі складанасці. На вяршыню Марат Сцяпаненка падняўся са сцягам Беларускага рэспубліканскага саюза моладзі.

Працягласць маршруту склала каля 90 кіламетраў. Пад’ём заняў 8 дзён і 9 начэй, тры з якіх малады чалавек правёў на вышыні больш за чатыры тысячы метраў. Агульная вага правіянту і рыштунку склала 26 кілаграмаў.

Узыходжанне праходзіла без выкарыстання высакагорных прытулкаў, канатных дарог і транспартных сродкаў. Начаваў хлопец у намёце.

«Агульны набор вышыні склаў 7792 метры, што эквівалентна прыкладна 2600 паверхам. Гэта дасягненне пацвярджае, што ўпартасць і мэтанакіраванасць дапамагаюць пакарыць любыя вяршыні», — адзначылі ў маладзёжнай арганізацыі.