21.11.2024

Раённае свята працаўнікоў вёскі "Дажынкі" прайшло ў Докшыцах

Дзень работнікаў сельскай гаспадаркі і перапрацоўчай прамысловасці аграпрамысловага комплексу адсвяткавалі ў Докшыцкім раёне.

Механізатары і вадзіцелі, камбайнеры і аператары машыннага даення, жывёлаводы і цялятнікі і многія іншыя працаўнікі вёскі, дзякуючы намаганням якіх кожны беларус сёння забяспечаны сельскагаспадарчай прадукцыяй, прымалі ў гэты дзень віншаванні.

Шмат добрых і цёплых слоў у адрас аграрыяў раёна прагучала ад старшыні Докшыцкага райвыканкама Сяргея Абірала, дэпутата Палаты прадстаўнікоў Нацыянальнага сходу Рэспублікі Беларусь па Докшыцкай выбарчай акрузе 22 Анатоля Сіўко, першага намесніка старшыні - начальніка ўпраўлення па сельскай гаспадарцы і харчаванні райвыканкама Наталлі Вараб'ёвай.