26.10.2020

Рэспубліканская акцыя «Аднаўленне святынь Беларусі. Скарбы роднай Беларусі» прайшла ў гарадскім пасёлку Бягомль Докшыцкага раёна

Рэспубліканская акцыя «Аднаўленне святынь Беларусі. Скарбы роднай Беларусі» прайшла ў гарадскім пасёлку Бягомль. Актывісты БРСМ мясцовай школы прыбіралі ад лісця тэрыторыю вакол царквы Нараджэння Найсвяцейшай Багародзіцы.

Потым настаяцель храма Аляксей Кушнярэвіч запрасіў памочнікаў пачаставацца гарбатай і цукеркамі. У час размовы за сталом закранулі пытанні духоўнасці, культуры, захавання гістарычнай спадчыны. У канцы сустрэчы святар падарыў кожнаму імянны абразок.

- Акцыя будзе мець працяг. Яе мэта - пазнаёміць моладзь з духоўнай спадчынай Беларусі, - адзначае першы сакратар РК ГА «БРСМ» Вікторыя Ждановіч. -У планах наведаць храмы нашага раёна, пагутарыць са святарамі, яшчэ раз дакрануцца да недатыкальнага.

Наталля Васько.