04.03.2025

Кіраўніцтва Докшыцкага раёна адрасавала віншаванне з Днём міліцыі

Паважаныя супрацоўнікі міліцыі, дарагія ветэраны органаў унутраных спраў!

Прыміце шчырыя віншаванні з прафесійным святам - Днём міліцыі!

Ад вашай працы шмат у чым залежыць вера людзей у закон, фармаванне прававой культуры насельніцтва. Выкарыстоўваючы багаты вопыт, захоўваючы правы і законы, вы з гонарам выконваеце свой грамадзянскі і патрыятычны абавязак.

Дзякуй вам усім за тое, што годна нясеце службу, звязаную з забеспячэннем найважнейшага і фундаментальнага права любога чалавека - права на асабістую бяспеку і годнае жыццё.

Выказваем асаблівую ўдзячнасць ветэранам органаў унутраных спраў за ўклад у прафесійную падрыхтоўку, выхаванне асабовага складу аддзела.

Асаблiвыя словы ўдзячнасці мы адрасуем жанчынам, якія таксама нясуць на сваіх далікатных плячах гэтую нялёгкую і адказную службу, а таксама ўсім маці і жонкам супрацоўнікаў, якія падтрымліваюць іх у самыя цяжкія хвіліны, захоўваючы цеплыню хатняга агменю, падзяляючы радасці.

Жадаем вам, вашым родным і блізкім моцнага здароўя, дабрабыту, міру і дабра!

Раённы выканаўчы камітэт

Раённы Савет дэпутатаў