07.11.2025

Кіраўніцтва Докшыцкага раёна адрасавала віншаванне з Днём Кастрычніцкай рэвалюцыі

Паважаныя жыхары Докшыцкага раёна!

Прыміце шчырыя віншаванні з Днём Кастрычніцкай рэвалюцыі!

Прайшло 108 гадоў з моманту лёсавызначальных падзей 1917 года, якія сталі паваротным момантам у гісторыі народаў, адкрыўшы шлях да самавызначэння, сацыяльнай справядлівасці і нацыянальнага адраджэння Беларусі.

Гэтае свята - не проста дата ў календары. Яно ўвасабляе працоўныя подзвігі беларускага народа, натхненне першых пяцігодак, гераізм абаронцаў Айчыны і стойкасць тых, хто аднаўляў краіну пасля вайны.

Сёння мы працягваем справу нашых продкаў: захоўваем і развіваем іх лепшыя традыцыі - справядлівасць, працавітасць, роўнасць. Мы будуем сучасную Беларусь, годную перамог і ўпэўненай будучыні, перадаючы маладому пакаленню багатую спадчыну.

Няхай у кожным доме пануюць мір, здароўе, шчасце і паразуменне. Няхай наша родная Беларусь квітнее, аб'ядноўваючы нас у імкненні да дабра і стварэння!

Раённы выканаўчы камітэт
Раённы Савет дэпутатаў