09.05.2025

Кіраўніцтва Докшыцкага раёна адрасавала віншаванне з Днём Перамогі

Дарагія ветэраны Вялікай Айчыннай вайны! Паважаныя жыхары Докшыцкага раёна!

Прыміце самыя цёплыя і шчырыя віншаванні з самым урачыстым і шануемым святам - Днём Перамогі!

80 гадоў адлучаюць нас ад пераможнага мая 1945 года. Праходзяць гады, змяняюцца пакаленні, змяняецца свет, але ніколі не згасне памяць аб гадах жорсткіх выпрабаванняў і самаахвярнай барацьбы, увянчаных Вялікай Перамогай. У гэтае свята мы па-асабліваму востра адчуваем каштоўнасць жыцця, усведамляем важнасць любові да Радзімы.

Няхай Вялікая Перамога і памяць аб подзвігу пакалення пераможцаў праз час выступае аб'ядноўваючай сілай і служыць жыццёвым арыенцірам для беларускага народа!

З глыбокай удзячнасцю мы звяртаемся да ветэранаў і ўдзельнікаў вайны, да ўсіх, хто ў гады суровых выпрабаванняў сваімі гераічнымі ратнымі і працоўнымі подзвігамі набліжаў Вялікую Перамогу!

Нізкі паклон Вам, дарагія ветэраны і добрая памяць усім героям, хто не дажыў да гэтага светлага дня.

Жадаем усім моцнага здароўя, шчасця, увагі і любовi блізкіх і родных людзей, упэўненасці ў заўтрашнім дні і доўгіх гадоў мірнага жыцця пад чыстым небам роднай Беларусі!

Раённы выканаўчы камітэт
Раённы Савет дэпутатаў