17.05.2025

Кіраўніцтва Докшыцкага раёна адрасавала віншаванне з Днём работнікаў фізічнай культуры і спорту

Паважаныя работнікі і ветэраны фізічнай культуры і спорту, спартсмены, трэнеры, педагогі!

Прыміце шчырыя віншаванні з вашым прафесійным святам - Днём работнікаў фізічнай культуры і спорту!

Гэты дзень аб'ядноўвае ўсіх, хто шчыра і па-сапраўднаму любіць спорт. Здароўе нацыі - багацце, якое неабходна захоўваць і ўмацоўваць. Прыемна ўсведамляць, што занятак спортам сёння становіцца нормай жыцця. Фізкультура і спорт з'яўляюцца важнымі складнікамі рашэння шматлікіх сацыяльных праблем у выхаванні моладзі, павышэнні яе фізічнай і маральнай культуры.

Выказваем словы падзякі ўсім, для каго фізічная культура і спорт сталі прафесіяй, хто аддае свае сілы, веды, уменне выхаванню здаровага пакалення. Дзякуючы вашай мэтанакіраванасці і адказнасці нашы юныя спартсмены дастойна прадстаўляюць Докшыцкі раён на спаборніцтвах рознага ўзроўню, дабіваюцца высокіх вынікаў і праслаўляюць сваімі дасягненнямі родны край.

Жадаем вам моцнага здароўя, даўгалецця, сілы духу і волі, поспехаў на шляху да новых спартыўных вяршыняў! Няхай на ім ніколі не будзе перашкод і толькі яркія моманты напаўняюць жыццё. Шчасця і дабрабыту вам і вашым сем'ям!

Раённы выканаўчы камітэт
Раённы Савет дэпутатаў