15.02.2026

Кіраўніцтва Докшыцкага раёна віншуе з Днём памяці воінаў-інтэрнацыяналістаў і 37-й гадавінай з дня вываду савецкіх войскаў з Афганістана

Паважаныя воіны-інтэрнацыяналісты, ветэраны вайны ў Афганістане!

15 лютага, Дзень памяці воінаў-інтэрнацыяналістаў, - дата навекі сумная, але ў той жа час гераічная і ўрачыстая.

Прайшло 37 гадоў, але прызнанне подзвігу воінаў-інтэрнацыяналістаў застаецца нязменным. Рэха ад тых падзей і сёння не заціхае ў нашых сэрцах.

Мы схіляем галовы перад памяццю тых, чые жыцці абарваліся ў "гарачых кропках", і выказваем глыбокую падзяку тым, хто праявіў мужнасць, выстаяў і сёння працуе на карысць Радзімы.

Высокай ацэнкі і павагі заслугоўвае ваша дзейнасць па ваенна-патрыятычным выхаванні моладзі, актыўная і адказная грамадзянская пазіцыя, стойкасць і надзейнасць.

З пачуццём шчырай удзячнасці за доблесны подзвіг ад усёй душы жадаем моцнага здароўя, бадзёрасці духу, мірнага неба, дабра, светлых надзей, шчасця і дабрабыту вам, вашым родным і блізкім.

Раённы выканаўчы камітэт
Раённы Савет дэпутатаў