21.10.2025

Кіраўніцтва Докшыцкага раёна віншуе з Днём бацькі

Паважаныя мужчыны Докшыцкага раёна!

Прыміце самыя цёплыя віншаванні з выдатным святам - Днём бацькі!

Сёння бацькоўства з'яўляецца своеасаблівым іспытам на сацыяльную і маральную сталасць мужчыны, разам з тым – гэта бацькоўскі абавязак і любоў, пастаянная праца і абавязкі.

Умацаванне ролі бацькоўства з'яўляецца адной з найважнейшых задач дзяржаўнай сямейнай палітыкі. Менавіта бацька ў сям'і – гарант абароны, мудры настаўнік і аўтарытэт.

Упэўнены, што большасць мужчын нашага раёна сталі галоўнай апорай для сваіх родных і служаць дастойным прыкладам для дзяцей, дапамагаючы ім расці працавітымі, добрымі, спагадлівымі.

Прыміце падзяку за выхаванне дзяцей, невычэрпную энергію і сілу, надзейнасць і вернасць! Няхай у вашых сем'ях будзе заўсёды цёплая атмасфера, узаемаразуменне і дабрабыт, а ваш асабісты прыклад натхняе маладое пакаленне на добрыя справы, высакародныя ўчынкі.

Жадаем вам моцнага здароўя, шчасця, любові і ўвагі блізкіх людзей. Хай радасць бацькоўства зробіць вас яшчэ мацней!

Раённы выканаўчы камітэт
Раённы Савет дэпутатаў