01.05.2025

Кіраўніцтва Докшыцкага раёна віншуе са Святам працы

Паважаныя жыхары горада Докшыцы і Докшыцкага раёна!

Прыміце шчырыя віншаванні са Святам працы, якое на працягу многіх гадоў натхняе нашых грамадзян на новыя здзяйсненні і добрыя справы! Яно па праве лічыцца сімвалам стваральных пачынанняў, светлых надзей і глыбокай павагі да працы чалавека.

1 Мая ўвасабляе вясновы росквіт, надзеі на лепшае, пошук смелых ідэй і рашэнняў, славіць чалавека-працаўніка!

У гэты святочны дзень выказваем удзячнасць ветэранам вайны і працы, якія ўнеслі неацэнны ўклад у сённяшні дабрабыт нашага раёна.

Паважаныя землякі! Няхай гэтае выдатнае вясновае свята стане для ўсіх нас адпраўным пунктам для новых дасягненняў і цікавых праектаў. Бо толькі агульнымі намаганнямі мы зможам зрабіць наш рэгіён квітнеючым і камфортным для жыцця!

Моцнага ўсім здароўя, вясновага настрою, дабра і міру ў вашых сем'ях!

Раённы выканаўчы камітэт
Раённы Савет дэпутатаў