06.10.2025

Кіраўніцтва раёна адрасавала віншаванне з Днём архівіста

Паважаныя работнікі і ветэраны архіўнай службы!

Прыміце шчырыя віншаванні з прафесійным святам - Днём архівіста!

Архіўная справа ва ўсе часы была важнай складовай часткай кіравання дзяржавай. На работнікаў архіваў ускладзены адказныя задачы па захоўванні, папаўненні, выкарыстанні і прымнажэнні найбагацейшага дакументальнага здабытку краіны, аказанні дапамогі людзям у пошуку неабходных дакументаў.

Дзякуючы намаганням нашых супрацоўнікаў архіва беражліва захоўваецца гісторыя раёна, дакументальная спадчына работы прадпрыемстваў, арганізацый і ўстаноў, ствараецца дакладны партрэт мінулага, які важны ва ўсе часы і неабходны нашым нашчадкам.

Выказваем усім работнікам, ветэранам раённага архіва шчырую ўдзячнасць, павагу і падзяку за добрасумленную, карпатлівую і адказную працу.

Жадаем вам моцнага здароўя, шчасця, сямейнага дабрабыту і прафесійных поспехаў.

Раённы выканаўчы камітэт
Раённы Савет дэпутатаў