26.10.2025

Кіраўніцтва раёна адрасавала віншаванне з Днём аўтамабіліста і дарожніка

Паважаныя работнікі і ветэраны сферы аўтамабільнага транспарту і дарожнай гаспадаркі раёна!

Прыміце шчырыя віншаванні з прафесійным святам - Днём аўтамабіліста і дарожніка!

Аўтамабільны транспарт і добрасумленная работа дарожнікаў звязваюць у адзінае цэлае ўвесь народнагаспадарчы комплекс краіны, спрыяюць яго ўмацаванню і стабільнаму развіццю.

Сёння паспяхова рэалізуюцца задачы па ўдасканаленні аказваемых паслуг, будаўніцтве новых і рэканструкцыі існуючых аўтамабільных магістраляў. Ад зладжанай работы супрацоўнікаў дарожнай службы залежыць функцыянаванне ўсіх сфер жыццядзейнасці нашага раёна і яго жыхароў.

Асаблівыя словы падзякі і павагі выказваем ветэранам-аўтамабілістам, дарожнікам, якія ўнеслі вялікі ўклад у развіццё сваіх прадпрыемстваў, выхавалі дастойную змену і заслужылі вялікае прызнанне за шматгадовую, добрасумленную працу.

Жадаем усім моцнага здароўя, шчасця, сямейнага дабрабыту, безаварыйнай работы, бяспечных дарог і новых працоўных дасягненняў.

Раённы выканаўчы камітэт
Раённы Савет дэпутатаў