23.08.2025

Кіраўніцтва раёна адрасавала віншаванне з Днём работнікаў дзяржаўнай статыстыкі

Паважаныя работнікі і ветэраны аддзела статыстыкі раёна!

Прыміце шчырыя віншаванні з прафесійным святам - Днём работнікаў дзяржаўнай статыстыкі!

Сёння статыстыка з'яўляецца важным інструментам дзяржаўнага кіравання. Менавіта на ёй грунтуюцца прагнозы сацыяльна-эканамічнага развіцця краіны, вобласці і рэгіёну, па яе дадзеных ажыццяўляецца ацэнка іх выканання.

Дзякуючы вашай добрасумленнай працы, прафесіяналізму, адказнасці, зладжанаму ўзаемадзеянню з суб'ектамі гаспадарання і іншымі службамі забяспечваецца дакладнае выкананне пастаўленых задач.

Асаблівыя словы ўдзячнасці - ветэранам, якія закладвалі асновы дзеючай сістэмы і вучылі маладых калег, перадаючы ім свой багаты вопыт.

Жадаем усім моцнага здароўя, шчасця, дабрабыту, аптымізму і поспехаў у прафесійнай дзейнасці.

Раённы выканаўчы камітэт
Раённы Савет дэпутатаў