28.03.2025

Злёт клубаў юных ратавальнікаў-пажарных Докшыцкага раёна

У Докшыцкім раёне прайшоў злёт клубаў юных ратавальнікаў-пажарных, арганізаваны аддзяленнем Беларускай маладзёжнай грамадскай арганізацыі ратавальнікаў-пажарных, раённым аддзелам па надзвычайных сітуацыях, сумесна з аддзелам па адукацыі раённага выканаўчага камітэта.

Злёт праводзіўся на базе дзяржаўнай установы адукацыі "Сярэдняя школа №1 горада Докшыцы", у якой прынялі ўдзел чатыры каманды, а менавіта каманда "Змена" Крулеўшчынскай сярэдняй школы, "Ратавальнікі" з Бягомльскай сярэдняй школы, а таксама каманда "Маналіт" сярэдняй школы №1 і каманда "Айвенга" сярэдняй школы №2 горада Докшыцы.

Падчас злёту юных ратавальнікаў кожная каманда была настроена толькі на перамогу, таму ўсе стараліся паказаць свае падрыхтоўку, веды і ўменні.

Адразу пасля лёсавання ўдзельнікі злёту з добрым настроем прыступілі да спаборніцтваў. У конкурсе "Агляд строю" хлопцы прадэманстравалі сваю страявую падрыхтоўку, уменні выконваць асобныя страявыя элементы хутка і правільна. Паказалі свае веды ў галіне пажарнай тэматыкі ў конкурсе "Знаўцы". Таксама падчас конкурсу "Баявое разгортванне" ўдзельнікі злёту прадэманстравалі свае ўменні ў тушэнні ўмоўнага ўзгарання.

Найбольш хвалюючай часткай мерапрыемства стала прыняцце ў рады арганізацыі новых членаў Беларускай маладзёжнай грамадскай арганізацыі ратавальнікаў-пажарных. Ім урачыста ўручылі пасведчанні.

Па выніках злёту трэцяе месца заняла каманда "Ратавальнікі" з Бягомльскай сярэдняй школы, другое - каманда "Маналіт" з сярэдняй школы №1 горада Докшыцы. Пераможцам злёту стала каманда "Айвенга" з сярэдняй школы №2 горада Докшыцы. Яна і будзе прадстаўляць раён на занальным этапе злёту.

Таксама былі адзначаны спецыяльнымі прызамі наступныя ўдзельнікі:

Дыпломам "Лепшы знаўца АБЖ" – Заяц Арсеній (Сярэдняя школа №2 горада Докшыцы імя У.Ф. Крышталевіч)

Дыпломам "Лепшы камандзір" – Навумчык Анастасія (Сярэдняя школа №1 горада Докшыцы)

Дыпломам за лепшае баявое разгортванне – каманда "Айвенга" (Сярэдняя школа №2 горада Докшыцы імя У.Ф. Крышталевіч).

dokshitsy.by