11.07.2025

Ратавальнікі Докшыцкага РАНС праводзяць прафілактычныя мерапрыемствы ў дзіцячых аздараўленчых лагерах

У рамках рэспубліканскай акцыі "Бяспечныя канікулы" ратавальнікі з Докшыцкага раённага аддзела па надзвычайных сітуацыях правялі навучальныя прафілактычныя мерапрыемствы ў аздараўленчым лагеры "Бярозка", з хлопцамі з прышкольнага лагера "Творчае лета", а таксама размясцілі інтэрактыўную пляцоўку для дзяцей і iх бацькоў на адкрытай пляцоўцы каля возера ў горадзе Докшыцы.

У аздараўленчым лагеры ратавальнікі правялі для дзяцей заняткі па правілах бяспечных паводзін на вадзе. Прысутныя маглі прадставіць сябе ў ролі выратавальніка на вадзе і кінуць выратавальны канец Аляксандрава ўмоўнаму тапельцу.

Пасля навучальнай часткі работнікі МНС правялі з дзецьмі мерапрыемства пад назвай "Спартландыя бяспекі". У спартыўнай праграме прыняло ўдзел дзве каманды - "Ратавальнікі" і "Агеньчык". Камандам трэба было прайсці 7 этапаў. У ходзе выпрабаванняў рабяты разгадвалі загадкі, выклікалі ратавальнікаў, паказвалі свае веды па правілах бяспекі жыццядзейнасці, а таксама спартыўныя навыкі.

Далей хлопцы прынялі ўдзел у квэсце, які складаўся з сямі розных лакацый. Маршрут квэста уключаў у сябе блок тэматычных зон: бяспечны дом, бяспека на вадзе, у лесе, а таксама камандную, экiпiровачную, гульнявую і спартыўную зоны. У ходзе праходжання квэста ўдзельнікі каманд тушылі ўмоўны пажар, збіралі пазл, апраналі баявую вопратку ратавальнікаў, праходзілі спартыўныя выпрабаванні. Каманды паказалі высокія як спартыўныя, так і тэарэтычныя вынікі.

З хлапчукамі і дзяўчынкамі з прышкольнага лагера прадстаўнікі МНС разабралі асноўныя прычыны пажараў, паўтарылі нумары экстранных службаў, пагулялі ў "5 крокаў выратавання", сабралі пазл, успомнілі правілы бяспечных паводзін на вадаёмах і ў лесе. Таксама нагадалі асноўныя правілы карыстання электрапрыборамі, якія дапамогуць пазбегнуць небяспечных сітуацый.

На адкрытай пляцоўцы з прысутнымі разгадвалі цікавыя загадкі, адказвалі на пытанні па бяспецы жыццядзейнасці, пагулялі ў "Крыжыкі-нулікі", "5 крокаў выратавання" і "Дыван бяспекі". З бацькамі ратавальнікі правялі прафілактычную гутарку аб тым, што недапушчальна пакідаць малалетніх дзяцей без нагляду.

Усе ўдзельнікі мерапрыемстваў атрымалі важныя веды і наглядна-выяўленчую прадукцыю ад МНС.

dokshitsy.by