08.01.2025

Старшыня Докшыцкага райвыканкама Сяргей Абірала правёў сустрэчу з працоўным калектывам філіяла "Докшыцыводаканал"

Кіраўнік раёна расказаў аб выніках сацыяльна-эканамічнага развіцця рэгіёну за 2024 год. У прыватнасці, было адзначана, што для Докшыцкага раёна ён склаўся пазітыўна па многіх напрамках гаспадарчай дзейнасці. Назіралася станоўчая дынаміка ў аграрным сектары. Выкананы вялікі аб'ём работ па асфальтаванні дарог.

– Наш рэгіён паступова разьвіваецца, і ў гэтым вялікая заслуга тых людзей, якія тут жывуць, - падкрэсліў Сяргей Уладзіміравіч.

Была закранута яшчэ адна важная тэма - электаральная кампанія. На яе момантах, а таксама выбарах Прэзідэнта, якія ў краіне пройдуць 26 студзеня, спынілася начальнік аддзела ідэалагічнай работы і па справах моладзі райвыканкама Наталля Фурсевіч.

– Кожны голас важны і толькі асэнсаваны ўдзел у выбарах прывядзе да станоўчых тэндэнцый у развіцці грамадства, - адзначыла Наталля Васільеўна.