10.03.2025

Старт Усебеларускай акцыі "Мы - грамадзяне Беларусі!" дадзены ў Канстытуцыйным Судзе

Галоўнымі героямі ўрачыстасці сталі 14-гадовыя юнакі і дзяўчаты – прадстаўнікі ўсіх абласцей і горада Мінска.

Пашпарт грамадзяніна Рэспублікі Беларусь маладым людзям уручылі старшыня Канстытуцыйнага Суда Рэспублікі Беларусь, заслужаны юрыст Беларусі Пётр Міклашэвіч і член Пастаяннай камісіі Савета Рэспублікі па міжнародных справах і нацыянальнай бяспецы, першы сакратар ЦК БРСМ Аляксандр Лук'янаў.

Сярод хлопчыкаў і дзяўчынак – вучань 8 "Б" класа СШ № 2 г. Докшыцы ім. У.Ф. Крышталевіч Сцяпан Баравікоў.

У гэты дзень пашпарты атрымалі 27 чалавек, ім уручылі Канстытуцыю Рэспублікі Беларусь, вокладку на пашпарт і кнігу "Сімвалы Беларусі".

Патрыятычная акцыя праходзіць з 10 па 15 сакавіка ва ўсіх рэгіёнах краіны напярэдадні Дня Канстытуцыі.