11.07.2024

У добры шлях, Жніво-2024

Сёння ў КУСГП "АграСітцы" прайшоў абрад "Зажынкі", які даў старт масавай уборцы збожжавых у гаспадарцы.

Па добрай традыцыі каравай ураджаю 2024 года ўручылі першаму намесніку старшыні райвыканкама, начальніку ўпраўлення па сельскай гаспадарцы і харчаванні Наталлі Вараб'ёвай, першы сноп перадалі кіраўніку гаспадаркі Міхаілу Транчэўскаму, а работнікі Сітцаўскага СДК зарадзілі станоўчымі эмоцыямі.

На свяце прысутнічалі старшыня раённага прафсаюза АПК Васіль Васюковіч, духавенства, члены працоўнага калектыву.

Боскае благаславенне з вуснаў святароў атрымалі ўсе працаўнікі перад выхадам на жніво.

Жадаем удзельнікам чарговага жніва ўнесці дастойны ўклад у папаўненне збожжавых засекаў Докшыцкага раёна!