У ККЗ "Іскра" прайшла прэм'ера музычнага спектакля "Прыгода Бураціна" ў пастаноўцы Докшыцкай дзіцячай школы мастацтваў імя Нестара Сакалоўскага.

Перад пачаткам спектакля гледачы мелі магчымасць набыць навагоднія сувеніры ад майстроў раённага Дома рамёстваў. Прыйшліся да спадобы і традыцыйныя імбірныя пернікі, а таксама салодкая вата і папкорн. А на доўгую памяць - фатаграфія на фоне святочнай фотазоны.

Работнікі культуры як заўсёды пастараліся на славу!