21.01.2025

У Докшыцах адбыўся адкрыты дыялог "Час тваіх магчымасцяў"

У Докшыцах адбыўся адкрыты дыялог “Час тваіх магчымасцяў”

У мерапрыемстве прынялі ўдзел старшыня раённага Савета дэпутатаў Валянціна Рандарэвіч, намеснік старшыні райвыканкама Аксана Палачаніна і іншыя прадстаўнікі кіраўніцтва раёна – з аднаго боку, а з другога – працуючая моладзь горада.

Сустрэча прайшла ў будынку ААТ “Докшыцкі райаграсэрвіс”, дзе размяшчаецца выбарчы ўчастак для галасавання № 2 па выбарах Прэзідэнта Рэспублікі Беларусь. Прэзідэнцкія выбары і сталі галоўнай тэмай для абмеркавання.

Валянціна Рандарэвіч распавяла аб развіцці маладзёжнага руху ў раёне, а Аксана Палачаніна - аб падрыхтоўцы да выбараў Прэзідэнта.

Маладыя людзі таксама даведаліся пра ўладкаванневыбарчага ўчастка і работу ўчастковай камісіі, якая работа праводзіцца з моладдзю ў Докшыцкім раёне.

Эксперты, на асабістых прыкладах распавялі аб тым, як важна мець актыўную грамадзянскую пазіцыю.

А ў завяршэнне для ўдзельнікаў дыялогу была праведзена тэматычная гульня "Пытанне - адказ".